HAMKORLIK

Toshkent irrigatsiya va qishloq xoʼjaligini mexanizatsiyalash instituti hamda Toshkent Аgrar universiteti bugun Chirchiq-Ohangaron ITHB ham ijodiy va amaliy hamroh hisoblandi. Ushbu oliy oʼquv yurtlari olimlari bilan hamkorlikda suv tejovchi texnologiyalar haqida uchrashuvlar, davra suhbatlari hamda amaliy seminarlar oʼtkazilib kelinadi. Oliy taʼlim oʼqituvchilari bilan olib boriladigan har bir oʼquv seminarlar sohani rivojlanishga xizmat qilmoqda. Tajriba amalyotda sinaladi.

Xabaringiz bor 2022-yilning dekabr oyida Shvetsariya taraqqiyot va hamkorlik agentligi hamda Suv xo‘jaligi vazirligi  bilan hamkorlikda  respublikamizdagi barcha tuman irrigatsiya bo‘limlariga zamonaviy  mebel jihozlari, kompyuter to‘plamlari va zamonaviy suv o‘lchash texnologiyalari hamda o‘quv qo‘llanmalari topshirilgan edi. Xo‘sh, ushbu zamonaviy suv o‘lchovchi asboblarning afzalliklari nimada, ulardan qanday foydalanish mumkin? 

Agentlikning  “O‘zbekistonda  suv resurslarini boshqarish milliy loyihasi” doirasida  Toshkent viloyatining Yuqori Chirchiq tuman irrigatsiya bo‘limining 133 PK tashkil etilgan  o‘quv mashg‘ulotlari shunga bag‘ishlandi.

O‘quv-treningda viloyatning  barcha  tumanlaridan  taklif etilgan  gidrometrlar, Xitoyda ishlab chiqarilgan  vertushkalarni o‘rnatish, foydalanish va ularning afzalliklar bo‘yicha   ma’lumotlar  olib uning ishlatish  jarayonini puxta o‘zlashtirmoqda.

“Dala sharoitida  zamonaviy  suv o‘lchash asboblaridan  foydalanish” mavzusidagi  besh kunlik seminarda  malakali mutaxassislar tomonidan  nazariy va amaliy bilimlar beriladi. Suv o‘lchovchi asboblar yordamida  amaliy mashg‘ulotlar o‘tkaziladi.

-Mashg‘ulotlardan ko‘zlangan  maqsad, kanal va ariqlar orqali  dehqonlarga yetkazib berilayotgan suvning aniq  hisob –kitobini olib borish, shu bilan birga vertushkalardan  oqilona foydalanish usullarni  o‘zlashtirishdir,- deydi seminar  treneri Abdurazzoq Qo‘ziboyev. 

Suvni tejab undan samarali va oqilona foydalanish vaqti keldi. Zero hayot manbai hisoblangan suv bugun biz uchun  juda qadrlidir. Qolaversa, suvning  hisob-kitob qilinishi  lozimligini  hayotning o‘zi taqozo etmoqda.  

Amaliy mashg‘ulotlar davom etmoqda.